تحت نفس الشمس وفوق نفس التراب
كلنا بنجرى ورا نفس السراب
كلنا من أم واحدة.. أب واحد.. دم واحد
بس حاسِّين باغتراب
من حنان الحب هل الغل جانا
من مرارة الغل جلجل صوت رجانا
نبكى من الغل اللي بيعكر حياتنا
ولا من الحب اللى هدهدنا وشجانا
يا زمان الغربة ليلك بيحاصرنا
وفى ضلامه المر طاوينا وعاصرنا
بس طول ما الحب بيرفرف علينا
الجدور حنمدها ونصنع مصيرنا
———
نفس الشموس بتبوس على روسنا
نفس التراب يحضن خطاوينا
طب ليه بنجرى ونهرى فى نفوسنا
وليه نعيش ناكل فى بعضينا
آدى الحقوق وآدى اللى طالبينها
والحق تاه فى الباطل البطا
لوقلوبنا تاهت عن محبينها
ونجومنا عالية بعيدة ما تنطال
سيد حجاب- عمار الشريعى- على الحجار
=============
عشقت هذه الكلمات منذ سمعتها.. ربما من ما يزيد عن العشرين عاما…
ولكنها ككل شيء جميل …
لا تبلى أبدا…
بل تزداد بهاء ونضارة .. وأمل…
إنها تصف الحال- على مرارته..
ولكنها توجد الحل.
أحييكى بشدة على اختيارك , انا بعشق المسلسل ده و بحب المقدمة والنهاية جداااااااااااااا
والجميل فى البوست كمان أنك ذكرتى نقطة المشكلة والحل
أحييييييييييكى بشدة