حبيبتى من ضفايرها طل القمر
وبين شفافيها ندى الورد بات
ضحكتها بتهز الشجر والحجر
وحنانها بيصحى الحياة فى النبات
حبيبتى بتعلمنى أحب الحياة
من حبى فيها شمس وربيع
والحب فى الدنيا دى طوق النجاة
لولاه يضيع قلب المحب الوديع
يا حلوة يا بلدنا يا نيل سلسبيل
بحبك انت رفعنا راسنا لفوق
لو الزمن ليِّل ما يرهبنا ليل
شوقنا فى عروقنا يصحى شمس الشروق
للحلوة قلب كبير يضم الولاد
وزاد وزوادة وضلة وسبيل
الموت والاستشهاد عشانها
وكلنا عشاق ترابها النبيل
حبيبتى من تنهديها حن الوتر
غنت سحر صوتها الشجر والنخيل
واتعلم النجم البعيد السهر
وساب سماه وسرح فى موجك يا نيل
حبيبتى غنوتها غيطان الحنان
شموسة صافية نورها ما ينطفيش
فى حضنها برنتاح ونلقى الأمان
نعيشه حتى لو متنا ليها نعيش
سيد حجاب- عمار الشريعى- هدى عمار
أو شاهدها هنا بالاشتراك مع على الحجار
ما تتصوريش أنا بحب الاغنية دى أد ايه .. وخصوصا بصوت هدى عمار .. بتبقى حكاية
ألف شكر على البوست والكلمات والفيديو